Ali Thameem
ހުކުރު ދުވަހުގެރޭ ކުޅުނު ދިއްފުށި ފުރަތަމަ ކައުންސިލް ފުޓްސަލް ފިއެސްތާގެ އަންހެން އަދި ފިރިހެން ފައިނަލުގައިވެސް ކާމިޔާބު ލިބުނީ “ވާނުވާ” ގެ ޓީމު ތަކަށެވެ.
ރަޙްމާ ރުޝްދީގެ ދެ ގޯލު އަދި ފާތިމަތު ޝަާލިޔާގެ އެއް ގޯލާއެކު 0-3 ގެ ނަތީޖާ އަކުން އަންހެން ފައިނަލުގައި ވާނުވާ ކުއީންސް ވިކްޓަރީ ވައިޕާސްގެ މައްޗަށް ކުރިހޯދައި މޮޅުވީ މޮޅުވީ ބައިކޮޅަށް ގޯލެއް ނުވަދެއެވެ.
ފައިނަލުގެ މޮޅު ކުޅުންތެރިޔާގެ އިތުރުން މުބާރާތުގެ މޮޅު ކުޅުންތެރިޔާ އަދި މުބާރާތުގެ އެންމެ ގިނަ ގޯލު ޖެހި ކުޅުންތެރިޔާގެ މަޤާމުވެސް ލިބިފައިވަނީ ވާނުވާ ކުއީންސްގެ ފާތިމަތު ޝާލިޔާ އަށެވެ.
ޝާލިޔާގެ އިތުރުން، ކިކިން ކުއީންސްގެ އާމިނަތު ރިސާލާ، ވިކްޓަރީ ވައިޕާސްގެ އައިޝަތު ލައިބާ ޒާހިރު އަދި މަރިޔަމް ނިޒުލީގެ އިތުރުން ފައިނަލުގައި މޮޅު ކުޅުމެއް ދެއްކި ރަހުމާ ރުޝްދީ އަކީ މުބާރާތުގެ މޮޅު ފަސް ކުޅުންތެރިންގެ ލިސްޓަށް އެރި ކުޅުންތެރިންނެވެ.
ފެއާޕްލޭ ޓީމަކަށް ޗެމްޕިއަން ވާނުވާ ކުއީންސް ހޮވިފައިވާއިރު، މޮޅު ކީޕަރުގެ މަޤާމު ލިބުނީ އެ ޓީމުގެ ޙައްވާ ޒަޢީމާއެވެ. މޮޅު ކޯޗުކަން ލިބިފައިވަނީ ހަސަން ޝައްފާނަށެވެ.
މި މުބާރާތުގެ ފިރިހެން ފައިނަލުގައި، ހުސެއިން ރަޝީދުގެ ގޯލަކުން ސްޓެލްކޯ ލީޑު ނަގާފައިވަނިކޮށް، ޒައިންގެ ދެގޯލާއި ޝިނާޒުގެ ގޯލަކުން މެޗުގެ ނަތީޖާ އަނބުރާލައި، ފުރަތަމަ ދިއްފުށި ކައުންސިލް ފުޓްސަލް ފިއެސްތާގެ ޗެމްޕިއަންކަން ހޯދާފައިވަނީ ވާނުވާ އެފް ޓީ އެވެ.
ފައިނަލް މެޗުގެ މޮޅު ކުޅުންތެރިޔާގެ މަޤާމު ހޯދި ޒައިން ޒަފަރު ވަނީ މުބާރާތުގެ އެންމެ ގިނަ ލަނޑުޖެހި ކުޅުންތެރިޔާގެ އިތުރުން މުޅި މުބާރާތުގެ އެންމެ މޮޅު ކުޅުންތެރިޔާގެ މަޤާމު ހޯދާފައެވެ. ޒައިންގެ އިތުރުން އަލީ ހާފިޒު، އިބުރާހީމް އަސްވަދު އަދި އަޙްމަދު މާޒިން ވަނީ މޮޅު ފަސް ކުޅުންތެރީންގެ ތެރޭގައި ހިމެނިފަ އެވެ.
މުބާރާތުގެ ފެއާ ޕްލޭ ޓީމަށް ސަތޯރާ ހޮވިފައިވާއިރު، އެންމެ އުއްމީދީ ކުޅުންތެރިޔަކަށް ހޮވިފައިވަނީ ވާނުވާ ޖޫނިއާސްގެ ރިޝާން ރިޝްވާނެވެ. މޮޅު ގޯލްކީޕަރަކަށް ހޮވިފައިވަނީ މުޙައްމަދު ނައުޝާދެވެ. މޮޅު ކޯޗަކަށް ހޮވިފައިވަނީ އަންހެން މުބާރާތުގައި ވާނުވާ ކުއީންއަށް ކޯޗުކަން ކޮށްދިން ހަސަން ޝައްފާނެވެ.
View this post on Instagram
