Ali Thameem
ކ.ދިއްފުށީގައި މި ހޯމަ ދުވަހު ފަށައިގެން ކުރިއަށްދާ ފުޓްސަލް ފިއެސްތާގައި، އަންހެން ޑިވިޝަންގެ ފުރަތަމަ މެޗުގައި 1-6 އިން ވިކްޓަރީ ވައިޕާސްގެ މައްޗަށް ވާނުވާ ކުއީންސް ކުރިހޯދައިފި އެވެ.
މި މެޗުގެ މޮޅު ކުޅުންތެރިޔަކަށް ހޮވިފައވަނީ ވާނުވާ ކުއީންސް އަށް ހެޓްރިކު ހަދައިދިން ފާތިމަތު ޝާލިޔާ އެވެ.
ރޭގެ ފިރިހެން ޑިވިޝަންގެ ދެ މެޗަށް ބަލާއިރު، ފުރަތަމަ މެޗުގައި ސްޓެލްކޯ އިން ވަނީ ވާނުވާ ޖޫނިއާސް ކޮޅަށް 8 ލަނޑު ޖަހައި، 1-8 އިން މެޗު ކާމިޔާބު ކޮށްފައެވެ. މެޗުގެ މޮޅު ކުޅުންތެރިއަކަށް ހޮވިފައިވަނީ އިބްރާހީމް އަސްވަދު (ގަބޭ) އެވެ.
ރޭގެ ފަހުމެޗު ގައި، ސެވަންސްޓަރ އަށްވެސް ލިބުނީ ބޮޑު މޮޅެކެވެ. ފުލް ޓައިމް ސްކޯ އަކީ 1-5 އެވެ.
އަންހެން އަދި ފިރިހެން ދެ ޑިވިށަނަށް ބަހާލައިގެން ކުރިއަށްގެންދާ މި މުބާރާތުގެ ސެމީ ފައިނަލް ކުޅޭނީ ހުކުރު ވިލޭރޭގަ އެވެ. ދެ ޑިވިޝަންގެ ވެސް ފައިނަލް މެޗު އަދި ނިންމުމުގެ ރަސްމިއްޔާތު ބޭއްވުމަށް ހަމަޖެހިފައިވަނީ ހުކުރު ދުވަހުގެ ރޭގަނޑު އެވެ.
