ސްރީލަންކާގައި ފަސޫހާ އަށް ރިހި މެޑަލް

ސްރީލަންކާގެ ނޭޝަނަލް އެތުލެޓިކްސް 23 އަހަރުން ދަށުގެ ޖޫނިއާ ޗެމްޕިއަންޝިޕްގެ 800 މީޓަރު އިވެންޓުން، ރާއްޖޭގެ ޓްރެކް އެންޑް ފީލްޑް އެތުލީޓު ފަސޫހާ އަޙްމަދު ރިހި މެޑަލް ހޯދައިފި އެވެ.

މަހިންދަ ރާޖަޕަކްސަ އިންޓަރނޭޝަނަލް ސްޓޭޑިއަމްގައި ކުރިއަށް ގެންދިޔަ މި އިވެންޓްގައި ފަސޫހާ ވަނީ 2:13.81 (ދެ މިނެޓާއި ތޭރަ ސިކުންތާއި 810 މިލިސިކުންތު) އިން ރޭސް ނިންމައިފަ އެވެ. އެއްވަނަ ހޯދި އެތުލީޓް ރޭސް ނިންމީ 2:11.08 އިންނެވެ.

ފަސޫޙާ ޗެމްޕިއަންޝިޕްގެ 400 މީޓަރު ދުވުމުގެ އިވެންޓުގައިވެސް ބައިވެރިވިއެވެ. ޓްރެކް އެންޑް ފީލްޑް އެސޯސިއޭޝަންގެ ކޮންޓިންޖެންޓާ އެކު ފަސޫހާގެ އިތުރުން 15 ޖޫނިއާ އެތުލީޓުން ހިމެނެއެވެ.

ރާއްޖޭގެ އެތުލީޓުން ޗެމްޕިއަންޝިޕްގެ އެކި އިވެންޓުތަކުގައި ބައިވެރިވެ އެވެ. އޭގެ ތެރޭގައި ދުވުމުގެ އިވެންޓުތައް (100މ، 200މ، 400މ، 800މ، 1500މ އަދި 3000މ) އާއި ޖެވެލިން އުކުން، ޑިސްކަސް އުކުން، ހާޑްލްސް އަދި ޓްރިޕަލް ޖަމްޕް ހިމެނެއެވެ.

ފަސޫޙާ އެންމެ ފަހުން 800 މީޓަރުގެ ރެކޯޑު އާކުރީ މިދިޔަ މަހު އިންޑިއަން ގްރޯން ޕްރީގަ އެވެ. އޭނާ އެ ފަހަރު ރޭސް ނިންމީ 2:14.53 އިންނެވެ.