29 ޓީމާއިއެކު ހުޅުމާލޭ ސެންޓްރަލް ޕާކް ސަރަހައްދުގައި ކުރިއަށްދާ ބައިބަލާ މުބާރާތުގެ ފުރަތަމަ ރޭގެ މެޗުތަކަށްފަހު ހަ ޓީމެއްވަނީ ގަދަ 16އިން ޖާގަ ހޯދާފައި.
ރޭ ކުޅުނު މެޗުތަކުން ކެޓި ވަރުގަދަ ޓީމްތަކަށް ބަލާއިރު، އެންމެ ފާހަގަކޮށްލެވެނީ އެންމެ ފަހުގެ ޗެމްޕިއަން ބުރު ސްޕޯޓްސް ކުލަބު. އެ ޓީމް ކެޓީ ޓީއެފްޓީ އަތުން ސީދާ ދެ ގޭމުން. މުބާރާތުގައި ވާދަކުރާ ޓީއެފްޓީގެ ދެވަނަ ޓީމްކަމަށްވާ ޓީއެފްޓީ ވަކަރުގެވެސް ވަނީ ސީ ދެ ގޭމުން ދަ ބައުސް ސްޕޯޓްސް ކުލަބު ބަލިކޮށް ގަދަ 16އިން ޖާގަ ހޯދާފައި.
ރޭ ކުޅުނު މެޗުތަކުގެ ތެރެއިން ގަދަ ހިފުމަށް ދެ މެޗު ދިޔައިރު، ލިޓިލް ޓައުން އާއި ޖަނަވަރީމަގު ސްޕޯޓްސް ކުލަބު ވާދަކުރި މެޗު ގަދަ ހިމުމަށްފަހު ކާމިޔާބުކުރީ ޖަނަވަރީމަގު ސްޕޯޓްސް ކުލަބު. ކުޑަ ހެންވޭރު ޔުނައިޓެޑާއި ބީޖީ ނިއު ޖެނެރޭޝަން ވާދަކުރި މެޗުވެސް ގަދަ ހިފުމަކަށްފަހު ކާމިޔާބުކުރީ ބީޖީ ނިއު ޖެނެރޭޝަން.
މުބާރާތަށް މިފަހަރުވެސް ވަރަގަދައަށް ތައްޔާރުވި ކުލަބު ކާސިންޖީ އިން ވަނީ ސީދާ ދެ ގޭމުން ކުލަބު އޯވަންއޯ ބަލިކޮށްފައި. ފަހު މެޗުގައި އެލްޓީ ސްޕޯޓްސް ކުލަބުން ވަނީ ސީދާ ދެ ގޭމުން ކާސިންޖާ ބަލިކޮށްފައި.
މި މުބާރާތުގައި މިރޭ ހަތް މެޗެއް ކުޅޭނެ. މިގޮތުން ފުރަތަމަ މެޗުގައި ކުލަބު އެސްޑީޒެޑް އާއި އޮޑި ޓައިޓަންސް ވާދަކުރާއިރު، ދެވަނަ މެޗުގައި ކުޑަހެންވޭރު ލަޔަންސް ނުކުންނާނީ އީގަލްސް އިން އީސީއާ ދެކޮޅަށް. ތިންވަނަ މެޗުގައި ޓީސީ ސްޕޯޓްސް އާއި ޓީނޭޖް ވެޓްރަންސް ވާދަކުރާއިރު، ހަތަރުވަނަ މެޗުގައި ވީކޭ ސްޕޯޓްސް ނުކުންނާނީ ލޮރެންޒޯ ސްޕޯޓްސް ކުލަބާ ދެކޮޅަށް.
ފަސް ވަނަ މެޗުގައި ބީޖީ ސްޕޯޓްސް ނުކުންނާނީ އޮޑި ސްޕޯޓްސް ކުލަބާއި ދެކޮޅަށް. ހަވަނަ މެޗުގައި ލޮރެންޒޯ ހައިނާސް އާއި ކުލަބު ޓީނޭޖް ވާދަކުރާއިރު، މިރޭގެ ފަހު މެޗުގައި ޓިސީ ފްރެޓާނިޓީ ނުކުންނާނީ ހައްހާ ވާއިކަންމައްޗާ ދެކޮޅަށް.