ކާވާ 20 އަހަރުން ދަށުގެ މުބާރާތުގައި ރާއްޖެއަށް ނާކާމިޔާބު

ސްރީލަންކާގައި ކުރިއަށް ދިޔަ ކާވާ 20 އަހަރުން ދަށުގެ ޗެމްޕިއަންޝިޕްގައި ރާއްޖެ ކުޅުނު ހަ މެޗުން ވެސް ބަލިވެއްޖެ އެވެ.

ތަޖުރިބާ މަދު ރާއްޖޭގެ ޓީމް ވަނީ މުބާރާޓުގެ ފުރަތަމަ މެޗުގައި ތުރުކުމެނިސްތާނާ ވާދަކޮށް 10-25، 13-25 އަދި 25-27 އިން ބަލިވެފަ އެވެ.

ދެވަނަ މެޗުގައި ލަންކާއާ ވާދަކޮށް 14-25، 14-25 އަދި 11-25 އިން ބަލިވި އިރު، ނޭޕާލާ ވާދަކޮށް ބަލިވީ 5-25، 12-25 އަދި 20-25 އިންނެވެ.

އުޒްބަކިސްތާނުން ވަނީ 25-12، 25-10 އަދި 25-16 އިން ރާއްޖޭގެ މައްޗަށް ކުރި ހޯދައިފަ އެވެ. އަދި ރައުންޑް ރޮބިން ބުރުގެ ފަހު މެޗުގައި ކިރްގިސްތާނާ ވާދަކޮށް ބަލިވީ 15-25، 21-25 އަދި 19-25 އިންނެވެ.

ރޭންކިން މެޗުގައި ލަންކާއާ ވާދަކޮށް ދިވެހި ޓީމް ބަލިވީ 12-25، 20-25 އަދި 20-25 އިންނެވެ.