Sidibari
ބޫޓާންގައި ކުރިއަށް ގެންދިޔަ ޓީ20 ކުއަޑްރަންގިއުލާ މުބާރާތުގެ ދެވަނަ ހޯދި ރާއްޖޭޣެ ގައުމީ ކްރިކެޓް ޓީމް އެނބުރި މާލެ އަތުވެއްޖެ އެވެ.
ފައިނަލަށް ދިޔަ ނަމަވެސް ވިއްސާރަ ވުމުގެ ސަބަބުން މެޗު ކެންސަލް ކުރަން ޖެހި، ތައިލެންޑަށް ޗެމްޕިއަންކަން ދިނީ ލީގު ބުރުގެ ނަތީޖާއަށް ބަލައިގެންނެވެ.
ރާއްޖެ އާއި ބޫޓާން އަދި ތައިލެންޑާއި އިންޑޮނޭޝިއާ ވާދަކުރި މި މުބާރާތުގެ ރައުންޑް ރޮބިން ބުރުގެ ފުރަތަމަ މެޗުގައި ރާއްޖޭން ވަނީ ޑީއެލްއެސް އުސޫލުން 23 ލަނޑުން އިންޑޮނޭޝިއާ ބަލިކޮށްފަ އެވެ. މި މެޗުގެ މޮޅު ކުޅުންތެރިއަކަށް ހޮވުނީ ހަތަރު ވިކެޓް ނެގި އަލީ ޝުނާން އެވެ.
View this post on Instagram
ދެވަނަ މެޗުގައި ބޫޓާނާ ވާދަކޮށް ހަތަރު ވިކެޓުން ބަލިވި އިރު، ތައިލެންޑް އަތުން ބަލިވީ 44 ލަނޑުންނެވެ. ނަމަވެސް ސެމީ ފައިނަލް މެޗުގައި ރާއްޖޭން ވަނީ ހަތް ވިކެޓުން ބޫޓާން ބަލިކޮށްފަ އެވެ.
މުބާރާތުގެ އެންމެ މޮޅު ބެޓްސްމަނަކަށް ރާއްޖޭގެ ކެޕްޓަން ޔޫސުފް އަޒްޔާން ފަރުހަތު ހޮވުނު އިރު، އިބްރާހިމް ރިޒްހާން ވަނީ އެންމެ ގިނަ ވިކެޓް ނެގި ކުޅުންތެރިންގެ ތެރޭގައި ހިމެނިފަ އެވެ.
