22 ޓީމާއެކު ނައިންޓީ ޕްލަސް ގޯލްޑް ކަޕް މި މަހު 20 ގައި

ފުޓްބޯޅައިގެ ފޯރި އަލުން ގެނައުމުގެ މަގުސަދުގައި ނައިންޓީ ޕްލަސް އާއި ސްޕޯޓްސް މިނިސްޓްރީ ގުޅިގެން، ބާއްވާ ގޯލްޑް ކަޕް 22 ޓީމާ އެކު މި މަހުގެ 20 ވަނަ ދުވަހު ގަލޮޅު ދަނޑުގައި ފަށަން ތައްޔާރުވެއްޖެ އެވެ.

ރާއްޖޭގެ އެކި ކަންކޮޅުތަކުން 24 ޓީމަށް ބައިވެރިވެވޭ ގޮތަށް ރޭވުނު ނަމަވެސް، މުބާރާތުގައި ބައިވެރިވާން ހުޅުވާލި ފުރުސަތުގައި ބައިވެރިވީ، 22 ރަށަކުންނެވެ.

އަންނަ މަހުގެ 25 ގެ ނިޔަލަށް ކުރިއަށް ގެންދާ މި މުބާރާތުގެ ޗެމްޕިއަން ޓީމަށް އެއް ލައްކަ ރުފިޔާގެ ފައިސާގެ އިނާމެއް ދިނުމަށް ހަމަޖެހިފައި ވާއިރު، ރަނަރަޕް ޓީމަށް ވަނީ 50،000 ރުފިޔާ ދޭން ނިންމައިފަ އެވެ.

މުބާރާތުގައި ބައިވެރިވެފައިވާ ޓީމުތައް:

1. ހއ. ދިއްދޫ
2. ހދ. ނޭކުރެންދޫ
3. ރ. އަލިފުށި
4. ބ. އޭދަފުށި
5. ބ. ތުޅާދޫ
6. ބ. ކެންދޫ
7. ޅ. ނައިފަރު
8. ޅ. ހިންނަވަރު
9. ޅ. ކުރެންދޫ
10. މާލެ ސިޓީ
11. ކ. ހިންމަފުށި
12. ކ.ހުރާ
13. ކ. ގުރައިދޫ
14. އއ. ތޮއްޑޫ
15. ފ. ނިލަންދޫ
16. ދ. މީދޫ
17. ދ. ކުޑަހުވަދޫ
18. ތ. ތިމަރަފުށި
19. ގއ. ދެއްވަދޫ
20. ގދ. ފަރެސްމާތޮޑާ
21. ފުވައްމުލައް ސިޓީ
22. އައްޑޫ ސިޓީ