Ansar Ibrahim
ކުޅުދުއްފުށީގައި ކުރިއަށްދާ މައިލޯ ޑަބްލިއުއެސްއޭ ބީޗް ގޭމްސް 2024 ގައި ޕަވަ ލިފްޓިންގެ ގައުމީ ރެކޯޑުތަކެއް އާ ކޮށްފި އެވެ.
އަހްމަދު މާހިލް ސަޢީދު ފިރިހެނުންގެ 89 ކިލޯގެ ޑެޑްލިފްޓްގެ ގައުމީ ރެކޯޑު އަ ކުރިއިރު، ފިރިހެނުންގެ ޖޫނިއާ 67 ކިލޯ ބައިގެ ޑެޑްލިފްޓް ރެކޯޑު އާ ކޮށްފައިވަނީ އާދަމް މިބްސާމް ސަލީމް އެވެ. އެއީ 230 ކިލޯ ޑެޑްލިފްޓް ކޮށްގެންނެވެ.
އަންހެނުންގެ ބައިން 87 ކިލޯގެ ބައިން ޝަމްސާ ހުސައިން މުހައްމަދު ދެ ރެކޯޑެއް ހަދާފައިވެ އެވެ. ސްކުއަޓް އިވެންޓުގައި އޭނާ ވަނީ 130 ކިލޯ އުފުލާފައެވެ. އަދި އޭނާ ވަނީ 150 ކިލޯގެ ޑެޑްލިފްޓެއް ކޮށް އެ ރެކޯޑުވެސް މުގުރާލާފައެވެ.
ޑަބްލިއުއޭއެމް ޕަވަ ލިފްޓިންގ ޗެމްޕިއަންޝިޕް ބޭއްވީ ބީޗް ގޭމްސް ފެސްޓިވަލްގެ ތެރޭގަ އެވެ. ކުޅުދުއްފުށީ ގޮނޑުދޮށް ސަރަހައްދުގައި ކުރިއަށް ގެންދިޔަ ގޭމްސްގައި ބީޗް ފުޓްބޯޅަ، ހޭންޑްބޯޅަ، ވޮލީބޯޅަ އަދި ބާސްކެޓްބޯޅަ ކުޅެފައިވެ އެވެ.
