Ansar Ibrahim
59 ވަނަ މައިލޯ/އެމްއޭއެސް މެލޭޝިއާ އިންވިޓޭޝަނަލް އޭޖް ގްރޫޕް ސްވިމިންގ ޗެމްޕިއަންޝިޕް 2024 ގައި އައިޝަތު ހަނާން ހުސައިން ހަލީމް އަދި ހަމްނާ އަހުމަދު ވަނީ ގައުމީ ފެތުމުގެ ދެ ރެކޯޑު މުގުރާލާފައެވެ.
ހަމްނާ ވަނީ ލޯންގް ކޯސް 100 މީޓަރު ބެކްސްޓްރޯކް އިވެންޓު 01:17.69 ގައި ނިންމައި، އޭނާ 01:18.17 ގެ ޓައިމިންއަކާ އެކު ހެދި ގައުމީ ރެކޯޑު އާކޮށްފައެވެ.
ހަމްނާގެ މި ކާމިޔާބަކީ މެލޭޝިއާގައި ބޭއްވޭ މި ޗެމްޕިއަންޝިޕްގައި މުގުރާލެވުނު ހަތަރުވަނަ ގައުމީ ރެކޯޑެވެ.
Photo: MOC
އިއްޔެ، ލޯންގ ކޯސް ބަޓަފްލައި 50 މީޓަރު އިވެންޓުގައި، ހަނާން ވަނީ އޭނާގެ އުމުރުފުރާގެ ގައުމީ ރެކޯޑު 00:31.68 ގައި ރޭސް ނިންމާލައިފަ ވެއެވެ.
ފެބްރުއަރީ މަހު ތައިލެންޑުގައި ބޭއްވުނު މުބާރާތެއްގައި ބައިވެރިވެ، 32 ސިކުންތުން (00:32:00) ރޭސް ނިންމާލައި ހަނާން ވަނީ ބަޓަފްލައި 50 މީޓަރުގެ ރެކޯޑު މުގުރާލައިފައެވެ. ހަނާން މި ރެކޯޑު ފުރަތަމަ މުގުރާލީ ބްރިޓިޝް އިންޓަނޭޝަނަލް ސްކޫލްސް އިން އޭޝިއާ އިންވިޓޭޝަނަލް 2024 ގަ އެވެ.
