Ansar Ibrahim
ޝަމްޙާ އަޙްމަދު ވަނީ ޖަރުމަނުވިލާތުގެ ގްރެފްރަތުގައި ބޭއްވުނު ޖަރުމަނު ރެއިލްވޭ އޯޕަންގެ 5،000 މީޓަރުގެ ރޭސް ހަތަރުވަނައަށް ނިންމައި، ދިވެހިރާއްޖޭގެ ގައުމީ ރެކޯޑު މުގުރާލައިފައެވެ.
ޝަމްޙާ ގައުމީ ރެކޯޑް ހެދީ 19 މިނެޓް 42.25 ސިކުންތުން ރޭސް ނިންމައިގެންނެވެ.
މީގެ ކުރިން މި ރެކޯޑު އޮތީ އާމިނަތު ޖާއިޝާ ޖުނައިޒް އަތުގައެވެ. އޭނާ މި ރެކޯޑު ހެދީ 2022 ވަނަ އަހަރުގެ ސެޕްޓެމްބަރު މަހު ބޭއްވުނު ގައުމީ ޗެމްޕިއަންޝިޕްގައި 19 މިނެޓާއި 43.09 ސިކުންތުންނެވެ.
ނަސްރުﷲ އަޙްމަދު (ނަސްރު) ކޯޗުކަން ކުރާ، 41 އަހަރުގެ ޝަމްޙާ، އޭނާގެ އުމުރުފުރާގައި ދެވަނައަށް ދިޔަ އެވެ. އަދި މުޅި ޒުވާޏް ގިނަ ދުވުންތެރިން ހިމެނޭރޭސް އޭނާ ނިންމީ ހަތަރުވަނައަށެވެ.
ގައުމީ މެރަތަން އަދި ހާފް މެރަތަންގެ ރެކޯޑުތައްވެސް މިވަގުތު އޮތީ ޝަމްހާ އަތުގަ އެވެ.
އަންނަ ހޮނިހިރު ދުވަހު ޖަރުމަނުގައިބާއްވާ 10،000 މީޓަރުގެ ރޭހެއްގައިވެސް އޭނާ ވާދަކުރުމަށް ހަމަޖެހިފައިވެ އެވެ.
