Ansar Ibrahim
ބެޑްމިންޓަން އެސޯސިއޭޝަން އޮފް މޯލްޑިވްސްގެ އިންތިހާބު މަޑުޖައްސާލަން އެންޓި ކޮރަޕްޝަން ކޮމިޝަން (އޭސީސީ) އިން އަންގައިފިއެވެ.
އޭސީސީން ވަނީ އެސޯސިއޭޝަންގެ ބައެއް މެމްބަރުންގެ އަމިއްލަ މާލީ މަންފާއަށް ކަންކަން ކުރާކަމަށް ބުނެ، އިއްޔެ ބީއޭއެމްގެ އޮފީސްތަކަށް ވަދެފަ އެވެ.
މީގެން އެއް ކަމަކީ ބީއޭއެމްގެ މުބާރާތްތަކުގައި ބޭނުންކުރާ ބެޑްމިންޓަން ބޯޅަ ކަމަށްވާ “ޝަޓްލް” ގެ ޑީލަޝިޕަށް “އަސްކަނީ ސްޕޯޓްސް” އަށް ދެމެހެއްޓެނިވި ގޮތެއްގައި ހުއްދަ ދިނުމެވެ. އަސްކަނީ ސްޕޯޓްސްގެ މިލްކުވެރިޔަކީ ބީއޭއެމްގެ ރައީސް މޫސާ ނާޝިދެވެ.
ބީއޭއެމްގެ ތެރޭގައި ކޮންފްލިކްޓް އޮފް އިންޓްރެސްޓް ނިމުމަކަށް އައީ ހަމައެކަނި ޝަޓްލް ވިއްކައިގެން ނޫނެވެ. ބީއޭއެމް އިން އެސޯސިއޭޝަނަށް ހާއްސަ ތަންތަން ކުއްޔަށް ދޫކުރަމުން ދަނީ ބައެއް މެމްބަރުންގެ ހިއްސާ އޮންނަ ގެތަކުން ކަމަށް ތުހުމަތު ވެސް ކުރެއެވެ.
އެސޯސިއޭޝަންގެ ހިންގާ ކޮމިޓީގެ ދައުރު މި މަހުގެ 11 ވަނަ ދުވަހުގެ ނިޔަލަށް ވަނީ ހަމަވެފަ އެވެ.
