Ansar Ibrahim
ގިނަ ހަފްތާތަކެއްގެ މަޝްވަރާތަކަކަށްފަހު، ފީފާއިން ކުރީގެ ސްޕޯޓްސް މިނިސްޓަރު އަޙްމަދު ޒުހޫރު އެފްއޭއެމްގެ ނޯމަލައިޒޭޝަން ކޮމިޓީގެ ޗެއާމަންގެ ގޮތުގައި އައްޔަންކޮށްފި އެވެ.
ކޮމިޓީގެ އެހެން މެންބަރުންގެ ތެރޭގައި މިމެނެނީ އަހުމަދު މުއިއްޒު، ފަރީހާ ޝަރީފް، އިސްމާއީލް ސިމާން އަދި އަހުމަދު އަލީ އެވެ.
ފީފާއިން މިގޮތަށް ނިންމީ މިދިޔަ މަހުގެ 23 ވަނަ ދުވަހު އެވެ. ފީފާގެ ކޮންސަލްޓަންޓުންގެ ޓީމެއް ވަނީ މިއަހަރުގެ ކުރީކޮޅު އޭއެފްސީ އާއި ދިވެހި ފުޓްބޯޅައިގެ ސްޓޭކްހޯލްޑަރުންނާ ބައްދަލުކުރިއެވެ.
އައްޔަނުކުރެވުނު ފަރާތްތަކުގެ ޒިންމާތަކުގެ ތެރޭގައި އެފްއޭއެމްގެ ދެން އަންނަ ދައުރެއްގެ އިންތިހާބު ބޭއްވޭނޭ މާހައުލެއއް ގާއިމުކުރުމުގެ އިތުރުން، އެސޯސިއޭޝަންގެ ހިންގާ ގަވައިދު އިސްލާހު ކުރުމުގާއި އެސޯސިއޭޝަންގެ ފައިސާގެ މުއާމަލާތްތައް ތަހުގީގު ކުރުން ހިމެނެއެވެ.
ފީފާގެ މަންދޫބުން ނޯމަލައިޒޭޝަން ކޮމިޓީއަށް ދީފައި ވަނީ އެއް އަހަރު ދުވަހުގެ މުއްދަތެކެވެ. އަންނަ އަހަރުގެ ޖުލައި މަހުގެ ނިޔަލަށް ކޮމިޓީގެ މެންޑޭޓް ފުރިހަމަވުމުން، ކޮމިޓީ އުވާލެވޭނެއެވެ.
