ރިވައިވަލް ސްޕޯޓްސް އިން ބައިނަލްއަގުވާމީ ދެ މުބާރާތަކަށް

ބެޑްމިންޓަން ވޯލްޑް ފެޑެރޭޝަން ސާކިޓްގެ ދެ މުބާރާތް ކަމަށްވާ, ޒެމްބިއާ އިންޓަނޭޝަނަލް 2024 އަދި ބޮޓްސްވާނާ އިންޓަނޭޝަނަލް 2024 ގައި 4 ކުޅުންތެރިއަކު ރާއްޖެ ތަމްސީލުކުރާނެއެވެ. 

ބެޑްމިންޓަން ވޯލްޑް ފެޑެރޭޝަން ސާކިޓްގެ ދެ މުބާރާތް ކަމަށްވާ, ޒެމްބިއާ އިންޓަނޭޝަނަލް 2024 އަދި ބޮޓްސްވާނާ އިންޓަނޭޝަނަލް 2024 ގައި ރާއްޖެ ތަމްސީލުކުރާނެ 4 ކުޅުންތެރިންނަކީ ނިބާލް އަހުމަދާއި ޒަޔާން ޒަކީ އާއި ފާތިމަތު ނަބާހާ ގެ އިތުރުން އާމިނަތު ނަބީހާއެވެ. މި ޓީމާއެކު ކޯޗު ނަޝްފާން މުހައްމަދު ވެސް ބައިވެރިވާ ގޮތަށް ވަނީ ހަމަޖެހިފައެވެ. 

ފިރިހެން ސިންގަލްސް: – ނިބާލް އަހުމަދު – ޒަޔާން ޒަކީ

އަންހެން ސިންގަލްސް: – ފާތިމަތު ނަބާހާ – އާމިނަތު ނަބީހާ

ފިރިހެން ޑަބަލްސް – ނިބާލް އަހުމަދު އަދި ޒަޔާން ޒަކީ

އަންހެން ޑަބަލްސް – ފާތިމަތު ނަބާހާ އަދި އާމިނަތު ނަބީހާ

މިކްސް ޑަބަލްސް – ނިބާލް އަހުމަދު އަދި އާމިނަތު ނަބީހާ – ޒަޔާން ޒަކީ އާއި ފާތިމަތު ނަބާހާ

ދިވެހި ޓީމް މިއަދު ފުރުމުގެ ކުރިން ވަނީ, ދަތުރުގެ އެކި ކަންކަމުގައި, ވެދިން އެއްބާރުލުމަށްޓަކައި މިނިސްޓްރީ އޮފް ސްޕޯޓްސް، ފިޓްނަސް އެންޑް ރެކްރިއޭޝަނާއި ޔުނައިޓެޑް ވިކްޓްރީ ބެޑްމިންޓަން ޓީމަށާއި ރާއްޖޭގެ ބެޑްމިންޓަން ކޮމިއުނިޓީއަށް ހާއްސަ ޝުކުރެއް ފޮނުއްވާފައެވެ. 

ޒެންބިއާ އިންޓަނޭޝަލް 2024 ކުރިއަށް ދާނީ މި މަހުގެ 14 އިން 17 އަށެވެ. އަދި ބޮޓްސްވާނާ އިންޓަނޭޝަނަލް 2024 ކުރިއަށް ގެންދިއުމަށް ހަމަޖެހިފައިވަނީ މި މަހުގެ 21 އިން 24 އަށެވެ.