ރިސޯޓް ލީގް: ކަނޑިންމަ ބަލިކޮށް ދ. ޒޯންގެ ޗެންޕިއަންކަން ވެލާވަރަށް

ތިން ފަހަރު ޒޯން ޗެމްޕިއަންކަން ހޯދާފައިވާ ކަނޑިންމަ މޯލްޑިވްސް ބަލިކޮށް އަންގްސާނާ ވެލާވަރު ރިސޯޓުން ދ. ޒޯންގެ ޗެމްޕިއަންކަން ހޯދައިފި އެވެ.

ވެލާވަރުން ފައިނަލް މެޗު ކާމިޔާބު ކުރީ 1-0 ގެ ނަތީޖާއަކުންނެވެ.

ވެލާވަރުން ފައިނަލަށް ދަތުރު ކުރީ ސެމީ ފައިނަލްގައި، މިދިޔަ އަހަރުގެ ޗެމްޕިއަން ނިޔާމަ ޕްރައިވެޓް އައިލެންޑާ ވާދަކޮށް 3-2 އިން މޮޅުވެގެންނެވެ.

ކަނޑިންމަ މޯލްޑިވްސްގެ ޓީމު ވަނީ ސެމީގައި 4-0 އިން ސެއިންތް ރެޖިސް ވޮއްމުލި ބަލިކޮށްފަ އެވެ.

ޒޯންގެ އެންމެ މޮޅު ކުޅުންތެރިޔާގެ މަގާމު ލިބުނީ ވެލާވަރު ޓީމުގެ މުޙައްމަދު ޝާހަށެވެ. އެންމެ މޮޅު ކޯޗުގެ އެވޯޑް ހޯދީ ވެލާވަރުގެ މޫސާ އިބްރާހީމް (މުޝްތައްޓޭ) އެވެ.