Ansar Ibrahim
އެފްރޯ ސްޕޯޓްސް ކްލަބުން، އުރީދޫ އޭދަފުށި ފުޓްސަލް ކަޕް ތަށި ދިފާޢުކޮށްފި އެވެ.
އިއްޔެ އޭދަފުށީ ފުޓްސަލް ދަނޑުގައި ކުޅުނު ފޯރިގަދަ ފައިނަލްގައި އެފްރޯ އެސްސީ އިން ވަނީ ކްލަބް ކޮމްބިނޭޝަން ބަލިކޮށްފަ އެވެ.
އެފްރޯ ސްޕޯޓްސްގެ ފުރަތަަމަ ގޯލު ޖަހައިދިނީ މުހައްމަދު ފާސިރު (ފާއްޓޭ) އެވެ. ެަދި ބާކީ ތިން ލަނޑު ވެސް ޖެހީ އިޝާން އިބްރާހިމް (ސައްޓު) އެވެ.
ފައިނަލްގައި ބައްދަލުކުރި ދެ ޓީމު ގްރޫޕް ސްޓޭޖްގައިވެސް ބައްދަލުކުރި އެވެ. އެ މެޗު ނިމުނީ ގޯލެއް ނުޖެހި އެއްވަރުވެގެންނެވެ.
ސައްޓުއާއި އެފްރޯގެ ހައިޝަމް ހަސަން އާއި ގޯލްކީޕަރު މުހައްމަދު ޝާން އަދި ސީސީގެ އަލީ ފާސިރު (ސެންޓޭ) އާއި އައިހަމް އަހުމަދު (އައިހު) ވަނީ މުބާރާތުގެ މޮޅު ފަސްކުޅުންތެރިންގެ ތެރޭގައި ހިމެނިފައެވެ.
އެފްރޯ އެސްސީ އިން މިއަހަރުގެ ސެމީފައިނަލްގައި މުރިނގު އެފްސީ 5-1 އިން ބަލިކުރިއެވެ. ސީސީ ފައިނަލަށް ގޮސްފައިވަނީ ޔުނައިޓެޑް ވީ 9-4 އިން ބަލިކޮށްފަ އެވެ.
