Ansar Ibrahim
ދިވެހިރާއްޖޭގެ އެންމެ ހުނަރުވެރި ބެޑްމިންޓަން ކުޅުންތެރިންގެ ތެރޭގައި ހިމެނޭނިބާލް އަހުމަދު، ރިވައިވަލް ސްޕޯޓްސް ކްލަބާ ގުޅިއްޖެއެވެ.
ގައުމީ ބެޑްމިންޓަން ޓީމުގައި ހިމެނޭ 21 އަހަރުގެ ނިބާލް ރިވައިވަލްއާ ގުޅުނީ ހަތަރު އަހަރުގެ އެއްބަސްވުމެއްގެ ދަށުންނެވެ. އޭނާއަކީ މިދިޔަ އަހަރު މޯލްޑިވްސް ސްޕޯޓްސް އެވޯޑްސްގައި ދިވެހިރާއްޖޭގެ އެންމެ މޮޅު ބެޑްމިންޓަން ކުޅުންތެރިޔާގެ މަގާމު ހޯދި ކުޅުންތެރިޔާ އެވެ.
ގައުމީ ސްކޮޑުގައި ހިމެނޭ ހަސަން ޒަޔާން ވެސް ވަނީ ރިވައިވަލް އަށް ބަދަލުވެފައެވެ.
ގައުމީ ޗެމްޕިއަންޝިޕް 2022 ވަނަ އަހަރު ކާމިޔާބުކުރި ނިބާލް، މިދިޔަ އަހަރު މަޑަގަސްކަރުގައި ބޭއްވުނު އިންޑިއަން އޯޝަން އައިލެންޑް ގޭމްސް (އައިއޯއައިޖީ) ގެ ސިންގަލްސް އިވެންޓުން ބްރޯންޒް މެޑަލް ހޯދި އެވެ. އަދި އެންމެ ފަހުން ބޭއްވުނު ދެ އައިއޯއައިޖީ ގައި ރިހި މެޑަލް އާއި ބްރޯންޒް މެޑަލް ހޯދި ޓީމުގައި ވެސް އޭނާ ހިމެނުނެވެ.
ނިބާލް އަކީ އޮލިމްޕިކް ކޮމިޓީން ދޭ ޕެރިސް އޮލިމްޕިކް ސްކޮލަރޝިޕް ވެސް ލިބިފައިވާ އެތުލީޓެކެވެ.
