Ansar Ibrahim
ކްލަބް އިވެންޓްސްއިން އިންތިޒާމްކުރި އެފްއޭއެމް ވެޓެރަންސް ލީގުގެ ފަހުގެ މެޗެއްގައި، ހުއްރިއްޔާ ސްޕޯޓްސް ކްލަބްގެ އާދަމް ލަތީފް “ރޮނާ” ގެ މައްސަލަތަކެއް އެފްއޭއެމްގެ ޑިސިޕްލިނަރީ ކޮމިޓީން ބަލަން ފަށައިފި އެވެ.
މައްސަލަ ހަލަބޮލިވީ ގްރޫޕް ސްޓޭޖުގައި ހުރާ އާއި ހުޅުމާލެ ބައްދަލުކުރި މުހިންމު މެޗުގެ އިތުރުވަގުތުގައި ހުޅުމާލެއަށް ޕެނަލްޓީއެއް ދިނުމުންނެވެ. ރޮނާ ވަރަށް ބޮޑަށް ރެފްރީގެ މި ނިންމުމާ ދެކޮޅުހަދައި، ރެފްރީއާ ދިމާލަށް އެކަށީގެންނުވާ ބަހުރުވައިން ވާހަކަދެއްކިއެވެ.
ހުޅުމާލެއިން ޕެނަލްޓީ ކާމިޔާބުކުރުމުން، ރޮނާ ވަނީ ރެފްރީއާ ކުރިމަތިލާން މަސައްކަތް ކޮށްފަ އެވެ.
މިކަމާ ގުޅިގެން ރެފްރީ ވަގުތުން ރޮނާއަށް ދެވަނަ ރީނދޫކާޑު ދެއްކުމަށްފަހު ރަތްކާޑު ދައްކައި، މެޗު ވަގުތީގޮތުން ހުއްޓާލަން ޖެހުނެވެ. އޭގެފަހުން، މުބާރާތް އިންތިޒާމްކުރި ކްލަބް އިވެންޓްސްއިން އަވަސް ފިޔަވަޅެއްގެ ގޮތުން، ފީފާގެ ގަވާއިދުތަކާ އެއްގޮތަށް ރޮނާ ކުރިއަށް އޮތްތާނގައި ހުރިހާ މެޗުތަކަކާއި އިވެންޓްތަކުން ސަސްޕެންޑްކުރިއެވެ. މީގެ އިތުރުން، މެޗުގެ ތެރޭގައި ދަނޑަށް ވަން ހުއްރިއްޔާގެ ދެ ސަޕޯޓަރަކަށް ކުރިއަށް އޮތް ތިން މެޗަށް ދަނޑަށް ވަނުން މަނާކުރި އެވެ.
