މިއަހަރުގެ އީދުގައި ވެސް އޭދަފުށީ ފުޓްސަލް ކަޕް

އޭދަފުށި ފުޓްސަލް ކަޕް 2024 އަންނަ އޭޕްރީލް މަހުގެ 8 ވަނަ ދުވަހު ފެށުމަށް ތައްޔާރުވެއްޖެ އެވެ.

އޭދަފުށި ފުޓްސަލް ކަޕް 2024 އަންނަ އޭޕްރީލް މަހުގެ 8 ވަނަ ދުވަހު ފެށުމަށް ތައްޔާރުވަމުން އަންނައިރު، އެންމެ ފަހުގެ ޗެމްޕިއަން އެފްރޯ ސްޕޯޓްސް ކްލަބާއެކު 16 ޓީމެއް ވާދަކުރާނެ އެވެ.

އޭދަފުށީ ކަޕްގަައި ކުޅޭ ކުޅުންތެރިންގެ ތެރޭގައި އަލީ ފާސިރު (ސެންޓޭ)، އަލީ މާއިސް (މައްޓު)، މުހައްމަދު ފާސިރު (ފާއްޓޭ)، ހައިޝަމް ހަސަން (ބިޑި) އަދި ހާޒިމް ފައުޒީ (ހަތީ) ފަދަ ކުޅުންތެރިން ހިމެނެ އެވެ. މީގެ އިތުރުން ހުޒައިފަތް ރަޝީދު (ހުޒޭ)، އިބްރާހިމް ސިމާހު (ތަޑޭ)، އަހުމަދު އައިހަމް (އައިހު)، ނިޝާމް މުހައްމަދު ރަޝީދު (ޕޮގް)، ހުސެއިން ސުހައިލް (ސޮކޭ)، އިބްރާހިމް ނާސިހު (ރާޖޫ) އަދި އަހުމަދު ސުހައިލް (ބުމްބުޗް)، ނާއިޒް ހަސަން (ދާދު)، އަހުމަދު ސިޒާން (ސިއްޕެ)، އިބްރާހިމް ފާތިހު (ތާޑޭ) އަދި މުހައްމަދު ވިލްފް ހިމެނެ އެވެ. ހަމަ އެއާއެކު ރާއްޖޭގެ މިހާރުގެ އެންމެ މޮޅު ފުޓުބޯޅަ ކުޅުންތެރިޔާ ހަމްޒާ މުހައްމަދު (ހަމްޕު) ގެ އިތުރުން ފުޓްސަލްގައި ވިދުން ގަދަ އިޝާން އިބްރާހިމް (ސައްޓު) ވެސް ފެންނާނެ އެވެ.

މި ފަހަރުގެ މުބާރާތިގައި ބައިވެރިވި ޓީމުތައް:

އޯލް ވުލްވްސް، އެފްސީ ސަޑަންލީ، މުރިނގު އެފްސީ، އެފްރޯ އެސްސީ، އެފްސީ ދުންތަރީ، ވެލާ ސްޕޯޓްސް ކްލަބް، ވީ ވެލާ، ސީސީ ސްޕޯޓްސް ކްލަބް، ނަލަ ބްރަދާސް، ކޭބަލް ބްރަދާސް، އެއިޓީފޯ އެފްސީ، ޔުނައިޓެޑް ވީ، ފްރެންޑްސް، ކީވާން އެފްސީ، އެފްސީ މާލިންސް، ބީކޭ ސްޕޯޓްސް ކްލަބް.