Ansar Ibrahim
ފީފާ އިން ދޭ ޑިވެލޮޕްމަންޓް ފަންޑުގެ އެހީ ރާއްޖޭގެ ފުޓްބޯލް އެސޯސިއޭޝަނަށް ދިނުން މަޑުޖައްސާލައިފި އެވެ.
އެ އެސޯސިއޭޝަންގެ އެކްޓިން ޖެނެރަލް ސެކްރެޓަރީ މުހައްމަދު ޖައުޝަން ޝަރީފް ވިދާޅުވީ ފީފާ އިން މިގޮތަށް ނިންމީ އެކަމާ ގުޅުންހުރި ކަންކަން ބަލަމުންދާތީ ކަމަށެވެ.
ފީފާއިން ޑިވެލޮޕްމަންޓް ފަންޑު ހުއޓުވާފައި ވާއިރު، އެފްއޭއެމްގެ އޮފިޝަލުންގެ މައްޗަށް ވަނީ ފީފާގެ ޑިވެލޮޕްމަންޓް ފަންޑުން ފައިސާއަށް ހިޔާނާތްތެރިވި ކަމުގެ ތުހުމަތުކޮށްފަ އެވެ. ނަމަވެސް އެފްއޭއެމުން ވަނީ އެ ތުހުމަތުތައް ދޮގުކޮށްފަ އެވެ.
ފީފާއިން މީގެ ކުރިން ނިންމާފައިވަނީ އެސޯސިއޭޝަންގެ މުސާރަތައް ދިނުމަށް ތިން ލައްކަ ޑޮލަރު ދިނުމަށެވެ.
ޖައުޝަން ވިދާޅުވީ ބާކީ އޮތް އެއް ލައްކަ ޑޮލަރުގެ އިތުރުން ކޮންޓްރެކްޓް ކޮށްފައިވާ ޓެކްނިކަލް ސްޓާފުންގެ ދަރަނި ދެއްކުމަށް އިތުރު 81،000 ޑޮލަރު ދިނުމަށް ފީފާއިން އެއްބަސްވެފައިވާ ކަމަށެވެ.
