Ansar Ibrahim
އެފްއޭއެމްގެ ރައީސް ބައްސާމް އަދީލް ޖަލީލަށް އޭނާގެ އާއިލީ ކްލަބް، ވެލެންސިއާގެ ކޮންޓްރޯލް ގެއްލުމުން، އަލުން ކޮންޓްރޯލް ހޯދުމަށް ކުރި މަސައްކަތްތައް ނާކާމިޔާބު ވެގެން، ކްލަބް ސަސްޕެންޑް ކޮށްފި އެވެ.
އެފްއޭއެމުން އަލަށް އެކުލަވާލި ކޮމެޓީން އެންމެ ފުރަތަމަ ބެލީ ވެލެންސިއާގެ މައްސަލައެވެ. ކްލަބުގެ މައްސަލަ ޑިސިޕްލިނަރީ ކޮމިޓީއަށް ހުށަހެޅީ ބައްސާމްގެ ގާތް އެކުވެރިޔާ އަދި ވެލެންސިއާގެ ކުރީގެ ބޯޑު މެމްބަރު ހުސައިން ވަހީދު (ދޮނާ) އެވެ.
ވެލެންސިއާގެ ބޯޑު މެމްބަރު ހުސައިން ވަހީދު (ދޮނާ) ގާނޫނާ ހިލާފަށް ވަކިކުރި މައްސަލަ ބަލަން އެފްއޭއެމުން އާ ބޯޑެއް އިންތިހާބު ކުރެވެންދެން އެފްއޭއެމުން ވަނީ ވެލެންސިއާ މިއަދުން ފެށިގެން ސަސްޕެންޑް ކޮށްފައެވެ.
މިދިޔަ ޖެނުއަރީ މަހުގެ 31 ވަނަ ދުވަހު ބޭއްވި އިންތިހާބުގައި މުފާވިޒް ހާޝިމްއާ ދެކޮޅަށް ވާދަކުރި އަހުމަދު ތޯރިގަށް ވެލެންސިއާއިން ތާއީދު ކުރަން ނިންމުމުން އެފްއޭއެމުން ވަނީ ކްލަބުގެ ކޮންޓްރޯލް ނަގަން މަސައްކަތްކޮށްފައެވެ. ވެލެންސިއާއިން އިއްޔެ ނެރުނު ބަޔާނެއްގައި ބުނީ އެ ކްލަބުން އެ މީހުން ސަސްޕެންޑް ކުރީ އަންނަ މަހުގެ 20 ވަނަ ދުވަހު ބާއްވާ އިންތިޚާބުގައި ދެން ބައްސާމަށް ތާއީދު ނުކުރާނެ ކަމަށް ގަބޫލުކުރެވޭތީ ކަމަށެވެ.
ވެލެންސިއާގެ ބޯޑުގެ ބައެއް މެމްބަރުން ވަނީ އުސޫލުން ބޭރުން ކްލަބްގެ ބޯޑުން ބަޔަކު ބޭރު ކުރި ކަމަށް ބުނެ ކޮމިޝަނާ އޮފް ސްޕޯޓްސް މުހައްމަދު ތޮލާލުގެ، ގެ ކައިރީގައި މުޒާހަރާ ކޮށްފަ އެވެ. ވަކިކުރި ބޯޑު މެމްބަރުން މައްސަލަ ހިފައިގެން ސިވިލް ކޯޓަށް ދިޔައަ ނަމަވެސް ސިވިލް ކޯޓުން ވެސް މައްސަލަ ބަލައެއް ނުގަތެވެ.
