Ali Thameem
ހަތް ގުރޫޕަކަށް ބަހާލައިގެން ކުޅޭ ކުލަބް މޯލްޑިވްސް ކަޕު 2024 ގެ ގަދަ 16 ގެ މެޗުތައް ފަށަން ތައްޔާރު ވެއްޖެ އެވެ.
ފަސް ޓީމެއް ވަނީ ގުރޫޕު ސްޓޭޖުގައި ކުޅުނު ހުރިހާ މެޗަކުން މޮޅުވެފަ އެވެ. އެއީ އެޗުޑީސީ، އެފްއެސްއެމް، އެސްޓީއޯ، އާރުއާރުސީ، އަދި އެމްޕީީއެލް އެވެ.
މީގެ އިތުރުން ގުރޫޕު އީ ގެ ޔުނައިޓެޑު ބީއެމްއެލް އާއި ސިފައިންގެ ކުލަބު އަދި ގުރޫޕު ޑީ ގެ ސްޓެލްކޯ އާއި ދިރާގު ވެސް ގުރޫޕް ސްޓޭޖުގައި ބައްޔެއް ނުވެ އެވެ.
މީގެ ދެހަފްތާ ކުރިން ގުރޫޕް ސްޓޭޖުގެ މެޗުތައް ފެށި މުބާރާތުގައި މިހާތަނަށް ކުޅުނު 42 މެޗުގައި މިހާތަނަށް ވަނީ 228 ގޯލު ޖަހައިފަ އެވެ.
ކުލަބް މޯލްޑިވްސް ކަޕުގައި 32 ޓީމު ވާދަކުރާ އަހަރުތަކާ ހިލާފަށް މި އަހަރު ބައިވެރިވީ 28 ޓީމެވެ. އެހެންވެ ގުރޫޕްތަކުގެ ތިންވަނަ ހޯދި ޓީމުތަކަށް ވެސް ގަދަ 16 އިން ފުރުސަތު ލިބިފައިވެ އެވެ.
ގުރޫޕްތަކުގެ ތިންވަނައިގައި ނިންމައިގެން ގަދަ 16 އަށް ދިޔަ ޓީމުތަކަކީ، ކްލަބް އިމިގުރޭޝަނާއި އެމްއޭސީއެލް އެވެ.
