ގައުމީ އެތުލެޓިކްސް މުބާރާތް: އެންމެ މޮޅު  އެތުލީޓުންނަކީ އިބާދުﷲ  އާއި ފަސޫހާ

ނިިމިގެންދިޔަ ގައުމީ އެތްލެޓިކްސް މުބާރާތުގެ އެންމެ މޮޅު އެތްލީޓުންގެ މަގާމު އިބާދުﷲ އާދަމް އާއި ދިވެހި ސިފައިންގެ ކްލަބުގެ ފަސޫހާ އަހުމަދު ހޯދައިފި އެވެ. 

އިބާދުﷲ ވަނީ 100 އަދި 200 މީޓާރުގެ ދުވުމުގެ ރޭހުން ރަން މެޑަލް ހޯދައިފަ އެވެ. އިބާދުﷲ 100 މިީޓަރު ރޭސް ކާމިޔާބުކުރީ ދިވެހި ސިފައިންގެ ކްލަބްގެ ހަސަން ސާއިދް ފަހަތައް ޖައްސާލުމަށް ފަހު 10.59 ސިކުންތުން ރޭސް ނިންމައިގެންނެވެ. ސާއިދު  ދެވަނަ އަށް ދިޔަ އިރު ޓައިމިން އަކީ 10.67 އެވެ. 

މިޑްލް ޑިސްޓެންސް ރޭސްތަކަށް ހާއްސަ، ފަސޫހާ ވަނީ 400 އަދި 800 މީޓަރުން މީޓް ރިކޯޑް ހަދައި، 1500 މީޓަރުން ގަަައުމީ ރިކޯޑް ވެސް ހަދައިފައެވެ. ފަސް މިނެޓާއި 3.51 ސިކުންތުން ރިކޯޑު ހެދި އިރު، މިދިޔަ އަހަރުގެ ގްރޯން ޕްރީ މުބާރާތުގައި ފަސޫހާ އޭރު ރެކޯޑް ހެދީ 5 މިނެޓާއި 04.02 ސިކުންތުންނެވެ. 

ފިރިހެން ޑިވިޝަނުގެ އެންމެ މޮޅު ކްލަބަށް ދިވެހި ސިފައިންގެ ކްލަބް ހޮވުނު އިރު އަންހެން ޑިވިޝަންގެ އެންމެ މޮޅު ކްލަބަކަށް ހޮވުނީ ކްލަބް ޓްރެކް އެންޑް ފީލްޑެވެ.