Ansar Ibrahim
މި އަހަރުގެ ޕެރިސް އޮލިމްޕިކްސްގައި ވާދަކުރުމުގެ ފުރުސަތު، ރާއްޖޭގެ ފެތުންތެރިން ކަމަށްވާ މުޙައްމަދު އާން ޙުސައިނާއި އާއިޝަތު އުލްޔާ ޝާއިގު ހޯދައިފިއެވެ.
ރާއްޖޭގެ ސްވިމިން އެސޯސިއޭޝަނުން ވަނީ އިންޓަނޭޝަނަލް އޮލިމްޕިކް ކޮމިޓީގެ ޔުނިވަރސަލިޓީ ސްލޮޓްތައް މި ދެ ފެތުންތެރިންނަށް ދީފައިވެއެވެ
އޮލިމްޕިކްސްގައި ވާދަކުރުމަށް މި ފެތުންތެރިން ހޮވިފައިވަނީ ވޯލްޑް އެކުއެޓިކްސްއިން އިންތިޒާމުކުރާ ވަކި މުބާރާތްތަކަކުން ހޯދާފައިވާ ޕޮއިންޓްތަކަށް ބިނާކޮށެވެ.
ދިވެހި ކުޅުންތެރިން އަންނަނީ 1988 އިން ފެށިގެން ސަމާ އޮލިމްޕިކްސްގައި ވާދަކުރަމުންނެވެ. މިއީ އިންޓަނޭޝަނަލް އޮލިމްޕިކްސް ކޮމިޓީގެ ތްރީޕާޓައިޓް ސްލޮޓް އެލޮކޭޝަން މެދުވެރިކޮށެވެ.
ނަމަވެސް މިއަހަރަކީ ދިވެހި ކުޅުންތެރިއެއް ކަމަށްވާ، ޓޭބަލް ޓެނިސް ތަރި އައިޝަތު ދީމާ، ކޮލިފިކޭޝަން މަރުހަލާ މެދުވެރިކޮށް އޮލިމްޕިކްސްގައި ވާދަކުރުމުގެ ފުރުސަތު ހޯދި ފުރަތަމަ ފަހަރެވެ.
