Ansar Ibrahim
ގޯލްޑަން ފުޓްސަލް ޗެލެންޖް 2024 ގެ ފުޓްސަލް ކިންގް އޮފް މޯލްޑިވްސްކަން ބ. އޭދަފުށީގެ އިޝާން އިބްރާހިމް (ސައްޓު) ހޯދައިފިއެވެ.
ސައްޓުގެ އާދަޔާ ހިލާފު ކުޅުމާއި ލީޑާޝިޕްގެ ސަބަބުން އޭނާގެ ޓީމަށް ކާމިޔާބީ ލިބުމުގެ އިތުރުން މެޗުގެ މޮޅު ކުޅުންތެރިޔާގެ މަގާމު ވެސް އޭނާ ވަނީ ހޯދާފައެވެ. މިދިޔަ އަހަރު މި މަޤާމު ހޯދީ ހުސައިން ޝަރީފް (އޮންލީ) އެވެ. އޮންލީއަކީ މި ފަހަރުވެސް ލ.ގަމުގެ ޓީމުގެ ކެޕްޓަނެވެ.
މި ތައްޓާއެކު, ގޯލްޑަން ފުޓްސަލް ޗެލެންޖް ޓްރޮފީ، ކްލަބް މޯލްޑިވްސް ކަޕްގެ ޓްރޮފީއާ މިހާރު ބައިވެރިވެ، އޭނާގެ ހިތްގައިމު ޓްރޮފީ ކެބިނެޓްގައި ހިމެނިފައިވާތީ، މި ކާމިޔާބީގެ މުހިންމުކަންވެސް ސައްޓުއަށް ބޮޑެވެ.
View this post on Instagram
ފައިނަލް މެޗައްފަހު ވަނީ މުބާރާތުގެ އެކި މަޤާމުތައްވެސް ހޮވާފައެވެ. އެގޮތުން މުބާރާތުގެ އެންމެ މޮޅު ފަސް ކުޅުންތެރިންނަކީ: ބ.އޭދަފުށީގެ އިޝާން އިބްރާހިމް (ސައްޓު) އާއި ހައިޝަމް ހަސަން (ބިޑި) އާއި ލ.ގަމުގެ އަލީ ޝާމިސް (ތޮއްޕެ) އާއި ހުސެއިން ޝަރީފް (އޮންލީ)ގެ އިތުރުން ކ.ގާފަރުގެ އަލީ މާއިސް (މައްޓު)އެވެ.
އެންމެ މޮޅު ގޯލްކީޕަރަކީ ބ.އޭދަފުށިގެ އަބްދުالله ނާސިހުއެވެ.
އެންމެ މޮޅު ކޯޗަކީ ލގަމުގެ އިސްމާއިލް ޝަރީފެވެ.
އެންމެ އުއްމީދީ ކުޅުންތެރިޔާގެ މަގާމު ލިބިފައިވަނީ އއ. މަތިވެރީގެ އަލީ އަލްސަން އަށެވެ.
އެންމެ ގިނަ ލަނޑު ޖެހި ކުޅުންތެރިޔާގެ މަޤާމު ހޯދާފައިވަނީ ފ.ބިލެއްދޫގެ މުހައްމަދު ޒީދާން ޒުހުރީއެވެ.
