Ansar Ibrahim
ރައީސުލްޖުމްހޫރިއްޔާ ޑރ. މުހައްމަދު މުއިއްޒު، ގައުމީ ކުޅިވަރު ފަންޑު ގެ ނަމުގައި ފަންޑެއް ގާއިމުކުރެއްވުމަށް ނިންމަވައިފި އެވެ.
ގައުމީ ކުޅިވަރު ފަންޑު ގެ ނަމުގައި ފަންޑެއް ގާއިމުކުރެއްވުމަށް ރައީސުލްޖުމްހޫރިއްޔާ ނިންމެވީ، ދިވެހި ކުޅުންތެރިން އިތުރުކޮށް، ކުޅިވަރު ކުރިއަރުވައި, ތަރައްގީކުރުމަށާއި، ދިވެހި ކުޅިވަރު އާއިލާ ބާރުވެރިކުރުވުމުގެ މަގްސަދުގަ އެވެ.
މި ފަންޑު ގާއިމު ކުރުމަށް ހުށަހެޅުއްވީ، މިނިސްޓަރ އޮފް ސްޕޯޓްސް، ފިޓްނަސް އެންޑް ރެކްރިއޭޝަން އަބްދުﷲ ރާފިއުއެވެ. އެ ހުށަހެޅުއްވުމަށް ބިނާކޮށް، ގައުމީ ކުޅިވަރު ފަންޑު ގާއިމުކުރެއްވުމަށް ނިންމަވައި، ދިވެހިރާއްޖޭގެ ކުޅިވަރު ގާނޫނު 30/2015 އަށް ގެންނަވަންޖެހޭ ބަދަލުތައް ގެންނެވުމަށް ވެސް ވަނީ ހަމަޖެހިފަ އެވެ.
މި ނިންމެވުން ނިންމަވާފައި ވަނީ ހޯމަ ދުވަހު ބޭއްވުނު ވަޒީރުންގެ މަޖިލީގު ބައްދަލުވުމުގަ އެވެ.
