ބާސްކެޓްބޯޅަ ގައުމީ ލީގާއި ގައުމީ މުބާރާތް ވެސް ޓީރެކްސްއަށް

ޓީރެކްސް ބީސީ ވަނީ 2024 ވަނަ އަހަރުގެ ޤައުމީ ބާސްކެޓްބޯޅަ ލީގް (އެންބީއެލް) އާއި ޤައުމީ ބާސްކެޓްބޯޅަ މުބާރާތް (އެންބީޓީ) ގެ ޗެމްޕިއަންކަން ހޯދައިގެން ދިވެހިރާއްޖޭގެ ބާސްކެޓްބޯޅަ ތާރީޚުގައި އެޓީމުގެ ނަން އަނެއްކާވެސް މިވަނީ ވަރުގަދަކޮއްފައެވެ. ދެ މުބާރާތުގައިވެސް އެއް މެޗުން ބަލިވި ނަމަވެސް، އެހެން ހުރިހާ މެޗެއްގައި ކާމިޔާބު ހޯދައިގެން، ޓީރެކްސް ބީސީ ވަނީ ކޯޓުގައި އެމީހުންގެ ތަފާތު ދައްކައި، 2024 ވަނަ އަހަރު ދިވެހިރާއްޖޭގެ ބާސްކެޓްބޯޅާގައި ބަލިކުރަން އެންމެ އުނދަގޫ ޓީމައް ވެފައެވެ.

ޓީރެކްސް ބީސީގެ މި ކާމިޔާބީ އިތުރަށް ފާހަގަކޮށްލެވެނީ އެއީ ލީގުގައި އެންމެ ދުވަސްވީ ކުޅުންތެރިން ތިބި ޓީމު ކަމުންނެވެ. ކުޅިވަރުގައި އުމުރަކީ ހުރަހެއް ކަމުގައި ދެކެވުނު ނަމަވެސް، ޓްރެކްސްއިން ވަނީ އެ ޚިޔާލު ބަދަލުކޮށް، ތަޖުރިބާއާއި އާއި ހިތްވަރާއިއެކު މަސައްކަތް ކޮއްފިނަމަ މޮޅުވެވިދާނެކަން ސާބިތުކޮށްދީފައެވެ. ތަޖުރިބާކާރު ކުޅުންތެރިންގެ ލީޑަރޝިޕްގެ ދަށުން، ޓީރެކްސްއިން ވަނީ އެންމެ މަތީ ފަންތީގައި އެކަން ސާބިތުކޮއްދީފައެވެ.

ޓްރެކްސްގެ ކާމިޔާބީގެ ފަހަތުގައިވާ އެންމެބޮޑު ސިއްރަކީ އެމީހުންގެ ޓީމުވޯކެވެ. އެ ޓީމުގައި 2023 ވަނަ އަހަރު އިންޑިއަން އޯޝަން އައިލެންޑް ގޭމްސް (އައިއޯއައިޖީ) މުބާރާތުގައި ދިވެހިރާއްޖެއަށް ބްރޯންޒް މެޑަލް ހޯދައިދިން ޓީމުގައި ހިމެނޭ 3 ކުޅުންތެރިން ވެސް ހިމެނެއެވެ. ބައިނަލްއަޤްވާމީ މައިދާނުގައި ވާދަކޮށް ލިބުނު ތަޖުރިބާއާއިއެކު މި ކުޅުންތެރިން ވަނީ ޓީރެކްސް ބީސީގެ ރާއްޖޭގެ މުބާރާތްތަކުގެ ފެންވަރު މަތިކޮށް، އެހެން ޓީމުތަކާ ވާދަކުރުމުގައި އިތުރު ބާރެއް ކަމުގައިވެފައެވެ. މި ކާމިޔާބީ އަކީ ޓީމުގެ ވަކިވަކި ކުޅުންތެރިންގެ ހުނަރުވެރިކަމުގެ ސަބަބުންނާއި އެންމެ މުހިންމު ދަނޑިވަޅުތަކުގައި އެކުޅުންތެރިން އެއްބައިވެ ޓީމެއްގެ ގޮތުގައި ކުޅުމުގެ ނަތީޖާއެވެ.

ޓީރެކްސް ބީސީ 2 މުބާރާތުން ޗެމްޕިއަންކަން ހޯދި ދަތުރުގެ އެންމެ އެންމެ ފާހަގަކޮށްލެވޭ ވަގުތަކީ އެންބީޓީގެ ފައިނަލް މެޗެވެ. މި ތުރާލަ މެޗުގައި ޓީރެކްސް ބީސީ ވަނީ ދެފަހަރު އިތުރު ވަގުތު ދެފަހަރު ކުޅެގެން ކާމިޔާބު ހޯދާފައެވެ. ފުރަތަމަ އިތުރުވަގުތުގައި ފަހަތަށް ޖެހިގެން ކުޅެންޖެހުނު ނަމަވެސް، ޓްރެކްސްން ވަނީ އެމީހުންގެ ހިތްވަރާއި ޢަޒުމް ދައްކައި، އަނބުރާ މެޗަށް ވަދެފައެވެ. ލީގުގެ އެންމެ ދުވަސްވީ ކުޅުންތެރިޔާ އަދި އައިއޯއައިޖީ ބްރޯންޒް މެޑަލިސްޓް، ޒަކަރިއްޔާ ވަނީ މި ނާޒުކު ވަގުތުގައި އޭނާގެ ހުނަރުވެރިކަން ދައްކާލާ މެޗުގެ ނަތީޖާ އެއްވަރުކޮއް ޓީރެކްސްއައް އުންމީދު ގެނެސްދިނެވެ. ދެވަނަ އޯވަރޓައިމްއަށް ދިޔައިރު ޓީމުވަނީ ފުރިހަމައަށް މެޗުގެތެރެއަށް ވަދެފައެވެ.

ދެވަނަ އޯވަރޓައިމްގައި ޒަކަރިއްޔާ ވަނީ ރަނގަޅު ޕަރފޯމަންސްއެއް ދައްކައި، ހުނަރާއި ހިތްވަރާއެކު ޓީރެކްސް ބީސީ ކިންގްސް ބާސްކެޓްބޯލް ކްލަބާ ދެކޮޅަށް ތާރީޚީ ކާމިޔާބީއަކާ ހަމައަށް ގެންގޮސްދީފައެވެ. “ކްލަޗް” ޕްލޭތަކާއި ވަރުގަދަ ޢަޒުމާއެކު، ޒަކަރިއްޔާ ވަނީ ޓްރެކްސް ބީސީ  ކާމިޔާބީއާއި ހަމައަށް ގެންގޮސް، އެންބީޓީ 2024 ގެ ޗެމްޕިއަންކަން ކަށަވަރުކޮށްދީފައެވެ.

ޓްރެކްސް ބީސީ މި ދެ ކާމިޔާބީ ފާހަގަކުރާއިރު، އެމީހުންގެ މި ދަތުރަކީ ޓީމްވޯކާއި، ތަޖުރިބާއާއި، ވަރުގަދަ ޢަޒުމުގެ ބާރުގަދަ ހެއްކެކެވެ. ކުޑަ ކުށަކުންވެސް ބޮޑު ގެއްލުމެއް ލިބިދާނެ ކުޅިވަރެއްގައި، ޓީރެކްސް ބީސީ ވަނީ ވާދަވެރިންގެ މައްޗަށް ކުރިހޯދައި، ދިވެހިރާއްޖޭގެ ބާސްކެޓްބޯލް ތާރީޚުގައި އެމީހުންގެ ނަން ވަރުގަދަކޮއްފައެވެ.