Asjey
އެފްއޭއެމްގެ ތެރޭގައި ހުރި މައްސަލަތައް ހައްލުކުރުމަށް، ފީފާގެ މަންދޫބުން ޓީމެއް ރާއްޖޭގެ ފުޓްބޯޅައިގެ ސްޓޭކްހޯލްޑަރުންނާއެކު މަޝްވަރާކުރަން ފަށައިފި އެވެ.
ދުނިޔޭގެ ފުޓްބޯޅައިގެ މައި އިދާރާގެ މަންދޫބުން ރާއްޖެ ވަޑައިގެން، ވަނީ ސްޕޯޓްސް ކޮމިޝަނަރާއި އޮލިމްޕިކް ކޮމިޓީ އާއި އެފްއޭއެމްގެ އިތުރުން ފެބްރުއަރީ މަހު ބޭއްވި އެސޯސިއޭޝަންގެ އެކްސްޓްރާއޯޑިނަރީ ކޮންގްރެސްއަށް ދައުވަތު ނުދެވުނު ބައެއް ފުޓްބޯޅަ ކުލަބުތަކާ ބައްދަލުކުރައްވާފައި ވެއެވެ.
ފުޓްބޯޅަ ކުލަބުތަކުން ވަނީ ނޯމަލައިޒޭޝަން ކޮމިޓީއެއް އެކުލަވާލުމަށް ކަމަށް އެދި، އެއީ އެފްއޭގެ ތެރޭގައި ދިމާވެފައިވާ މައްސަލަތައް ހައްލުކުރުމަށް އެންމެ އިންސާފުވެރި ގޮތް ކަމުގައި ކުލަބުތަކުން ދެކޭ ކަމަށް ފާހަގަކޮށްފައި ވެއެވެ.
ފީފާއިން ނޯމަލައިޒޭޝަން ކޮމިޓީއެއް އެކުލަވާލުމަށް ނިންމައިފިނަމަ، މިހާރު ހުރި ހުރަސްތައް ނައްތާލުމަށާއި އެފްއޭއެމްގެ މަޤްޞަދުތައް ހާސިލުކުރުމަށް މަގުފަހިވެގެންދާނެ ކަމަށް މަންދޫބުން ވިދާޅުވެފައި ވެއެވެ.
ނޯމަލައިޒޭޝަން ކޮމިޓީތައް އެކުލަވާލުމަކީ ފީފާގެ ހިލާފު ހައްލުކުރުމުގެ ދިގު ތާރީހެއް އޮތް އުސޫލެކެވެ.
ރާއްޖެއަށް ނޯމަލައިޒޭޝަން ކޮމިޓީއެއް ކަނޑައަޅަނީ މިއީ ފުރަތަމަ ފަހަރެއް ވެސް ނޫނެވެ. އެގޮތުން 2008 ވަނަ އަހަރު، އޭއޯއޭ ޑްރާފްޓްކޮށް އެފްއޭއެމްގެ އެންމެ ފުރަތަމަ އިންތިހާބު ބެލެހެއްޓުމަށް ކޮމިޓީއެއް ކަނޑައެޅިފައިވާ ކަމަށާއި، 2016 ގެ ޑިސެމްބަރުގައި ވެސް އިތުރު ނޯމަލައިޒޭޝަން ކޮމިޓީއެއް ކަނޑައަޅާފައިވެ އެވެ.
